शृङ्गगिरि-निकटस्थ-श्री-सूर्यनारायण-देवस्थाने विरचितः

śṛṅgagiri-nikaṭastha-śrī-sūryanārāyaṇa-devasthāne viracitaḥ

मानससरोगतं मे शोषय पङ्कं खरोस्र दिननाथ । नो चेत्खरत्वमेषा- मस्राणां भूयात्कथं ब्रूहि ॥१॥

mānasasarogataṃ me śoṣaya paṅkaṃ kharosra dinanātha ; no cetkharatvameṣā- masrāṇāṃ bhūyātkathaṃ brūhi .1.

निवार्य बाह्यं परमन्धकारं दिनेश गर्वं कुरुषे वृथा त्वम् । यद्यस्ति शक्तिस्तव मामकीन- मन्तःस्थमान्ध्यं विनिवारयाशु ॥२॥

nivārya bāhyaṃ paramandhakāraṃ dineśa garvaṃ kuruṣe vṛthā tvam ; yadyasti śaktistava māmakīna- mantaḥsthamāndhyaṃ vinivārayāśu .2.

॥इति श्रीमच्छृङ्गेरी जगद्गुरु श्रीमत्परमहंसपरिव्राजकाचार्य अनन्तश्री सच्चिदानन्द शिवाभिनवनृसिंहभारती महास्वामिभिः शृङ्गगिरि निकटस्थ श्रीसूर्यनारायण देवस्थाने विरचितः श्रीदिनेश स्तवः॥

.iti śrīmacchṛṅgerī jagadguru śrīmatparamahaṃsaparivrājakācārya anantaśrī saccidānanda śivābhinavanṛsiṃhabhāratī mahāsvāmibhiḥ śṛṅgagiri nikaṭastha śrīsūryanārāyaṇa devasthāne viracitaḥ śrīdineśa stavaḥ.