शृङ्गेरीजगद्गुरु श्रीसच्चिदानन्दशिवाभिनवनृसिंहभारती महास्वामिभिः विरचितम्

śṛṅgerījagadguru śrīsaccidānandaśivābhinavanṛsiṃhabhāratī mahāsvāmibhiḥ viracitam

नालीकनीकाशपदादृताभ्यां नारीविमोहादिनिवारकाभ्याम् । नमज्जनाभीष्टततिप्रदाभ्यां नमो नमः श्रीगुरुपादुकाभ्याम् ॥ १ ॥

nālīkanīkāśapadādṛtābhyāṃ nārīvimohādinivārakābhyām ; namajjanābhīṣṭatatipradābhyāṃ namo namaḥ śrīgurupādukābhyām . 1 .

शमादिषट्कप्रदवैभवाभ्यां समाधिदानव्रतदीक्षिताभ्याम् । रमाधवाङ्घ्रि स्थिरभक्तिदाभ्यां नमो नमः श्रीगुरुपादुकाभ्याम् ॥ २ ॥

śamādiṣaṭkapradavaibhavābhyāṃ samādhidānavratadīkṣitābhyām ; ramādhavāṅghri sthirabhaktidābhyāṃ namo namaḥ śrīgurupādukābhyām . 2 .

नृपालिमौलिव्रजरत्नकान्ति सरिद्विराजज्झषकन्यकाभ्याम् । नृपत्वदाभ्यां नतलोकपङ्क्तेः नमो नमः श्रीगुरुपादुकाभ्याम् ॥ ३ ॥

nṛpālimaulivrajaratnakānti saridvirājajjhaṣakanyakābhyām ; nṛpatvadābhyāṃ natalokapaṅkteḥ namo namaḥ śrīgurupādukābhyām . 3 .

अनन्तसंसारसमुद्रतार नौकायिताभ्यां गुरुभक्तिदाभ्याम् । वैराग्यसाम्राज्यदपूजनाभ्यां नमो नमः श्रीगुरुपादुकाभ्याम् ॥ ४ ॥

anantasaṃsārasamudratāra naukāyitābhyāṃ gurubhaktidābhyām ; vairāgyasāmrājyadapūjanābhyāṃ namo namaḥ śrīgurupādukābhyām . 4 .

पापान्धकारार्कपरम्पराभ्यां तापत्रयाहीन्द्रखगेश्वराभ्याम् । जाड्याब्धिसंशोषणबाडवाभ्यां नमो नमः श्रीगुरुपादुकाभ्याम् ॥ ५ ॥

pāpāndhakārārkaparamparābhyāṃ tāpatrayāhīndrakhageśvarābhyām ; jāḍyābdhisaṃśoṣaṇabāḍavābhyāṃ namo namaḥ śrīgurupādukābhyām . 5 .

कवित्ववाराशिनिशाकराभ्यां दारिद्र्यदावाम्बुदमालिकाभ्याम् । दूरीकृतानम्रविपत्ततिभ्यां नमो नमः श्रीगुरुपादुकाभ्याम् ॥ ६ ॥

kavitvavārāśiniśākarābhyāṃ dāridryadāvāmbudamālikābhyām ; dūrīkṛtānamravipattatibhyāṃ namo namaḥ śrīgurupādukābhyām . 6 .

नता ययोः श्रीपतितां समीयुः कदाचिदप्याशु दरिद्रवर्याः । मूकाश्च वाचस्पतितां हि ताभ्यां नमो नमः श्रीगुरुपादुकाभ्याम् ॥ ७ ॥

natā yayoḥ śrīpatitāṃ samīyuḥ kadācidapyāśu daridravaryāḥ ; mūkāśca vācaspatitāṃ hi tābhyāṃ namo namaḥ śrīgurupādukābhyām . 7 .

कामादिसर्पव्रजभञ्जकाभ्यां विवेकवैराग्यनिधिप्रदाभ्याम् । बोधप्रदाभ्यां द्रुतमोक्षदाभ्यां नमो नमः श्रीगुरुपादुकाभ्याम् ॥ ८ ॥

kāmādisarpavrajabhañjakābhyāṃ vivekavairāgyanidhipradābhyām ; bodhapradābhyāṃ drutamokṣadābhyāṃ namo namaḥ śrīgurupādukābhyām . 8 .

स्वार्चापराणामखिलेष्टदाभ्यां स्वाहासहायाक्षधुरन्धराभ्याम् । स्वान्ताच्छभावप्रदपूजनाभ्यां नमो नमः श्रीगुरुपादुकाभ्याम् ॥ ९ ॥

svārcāparāṇāmakhileṣṭadābhyāṃ svāhāsahāyākṣadhurandharābhyām ; svāntācchabhāvapradapūjanābhyāṃ namo namaḥ śrīgurupādukābhyām . 9 .